Header Ads Widget

இணையத்தளம் வேண்டுமா?

Ticker

6/recent/ticker-posts

இரண்டு பிள்ளைகளின் தந்தைக்கு உயர்நீதிமன்றம் விதித்தது ஆயுள்தண்டனை


18 கிராமுக்கு அதிகமான ஹெரோயின் போதைப்பொருளை வைத்திருந்த குடும்பஸ்தர் ஒருவருக்கு கொழும்பு உயர்நீதிமன்ற நீதிபதி தம்மிக கணேபோலா இன்று (24) ஆயுள் தண்டனை விதித்து தீர்ப்பளித்தார்.

கிராண்ட்பாஸில் வசிக்கும் டபிள்யூ. கயன் இந்திரஜித், 33 வயது என்ற இரண்டு பிள்ளைகளின் தந்தைக்கே இந்த தண்டனை விதிக்கப்பட்டது.

ஒரு நீண்ட விசாரணையைத் தொடர்ந்து, குற்றம் சாட்டப்பட்டவருக்கு எதிரான குற்றச்சாட்டுகள் நியாயமான சந்தேகத்திற்கு அப்பாற்பட்டதாக நிரூபிக்கப்பட்டதால் அவருக்கு தண்டனை விதித்தார் நீதிபதி.

சந்தேக நபரை போதைப்பொருள் பணியகம் மற்றும் காவல்துறை சிறப்பு பணிக்குழு 2013 ஒக்டோபர் 30 அன்று கிராண்ட்பாஸில் உள்ள கோஸ்காஸ் சந்தி பொது சந்தை அருகே கைது செய்தன.

பின்னர் இந்த குற்றச்சாட்டுக்கான வழக்கை சட்டமா அதிபர் கொழும்பு உயர் நீதிமன்றத்தில் 2014 இல் தாக்கல் செய்தார்.

அவர் கைது செய்யப்பட்ட நேரத்தில், அவரிடம் 121 கிராம் ஹெரோயின் இருந்ததாகவும், 18 கிராமுக்கு மேற்பட்ட தூய ஹெரோயின் அவரிடம் இருந்ததாகவும் நீதிமன்றம் கண்டறிந்தது.

 

Post a Comment

0 Comments