சீனாவால் வரவிருக்கும் மற்றொரு பேராபத்து? உலக சுகாதார நிறுவனம் எடுத்துள்ள நடவடிக்கை

கொரோனா வைரசைத் தொடர்ந்து சீனாவில் கணண்டுபிடிக்கப்பட்ட ‘ஜி4 இஏ எச்1என்1’ என்ற புதிய வைரஸ் பற்றிய கூடுதல் தகவல்களை பெற சீனாவை உலக சுகாதார நிறுவனம் நாடியுள்ளது.

இப்புதிய வைரஸ் மனிதர்களிடையே கொரோனா வைரஸ் போன்று வேகமாக பரவும் அபாயம் இருப்பதாக ஆராய்ச்சியாளர்கள் தெரிவித்துள்ளர்.

இந்த வைரஸ், பன்றிகளிடையே பரவி மனிதர்களையும் தாக்கலாம் என தெரிய வந்துள்ளது.

இது புதிய வைரசாக இருப்பதால் இதற்கு எதிரான நோய் எதிர்ப்புச்சக்தி மனிதர்களுக்கு இருக்காது என்பது குறிப்பிடத்தக்கது.

இந்த வைரஸ் பற்றிய கூடுதல் தகவல்களை பெறவும், ஒருங்கிணைந்து செயல்படவும் சீனாவை உலக சுகாதார நிறுவனம் நாடியுள்ளது.

இதுபற்றி உலக சுகாதார நிறுவனத்தின் மேற்கு பசிபிக் பிராந்திய இயக்குனர் தாகேஷி கசாய் கூறியதாவது:-

சீனாவில் கண்டுபிடிக்கப்பட்டுள்ள புதிய வைரஸ், பன்றிக்காய்ச்சல் வைரஸின் திரிபு என கூறப்படுவதால், இது தொற்று நோயாக மாறுகிற அபாயமுள்ளது.

இது குறித்து மதிப்பிடுவதற்கு சீனாவின் ஒருங்கிணைப்பை உலக சுகாதார நிறுவனம் நாடியுள்ளது.

தற்போது கிடைத்துள்ள தகவல்கள், நிலைமையை மதிப்பிடுவதற்கு போதுமானதாக இல்லை. இந்த புதிய நிகழ்வில், சரியான இடர் மதிப்பீட்டை நாங்கள் செய்கிறோம் என்பதை உறுதிப்படுத்துவதற்கு சீன அதிகாரிகளுடன் ஒருங்கிணைந்து செயல்பட விரும்புகிறோம்.

கொரோனா வைரஸ் தொற்று பரவலை தடுப்பதற்கு கட்டமைக்கப்பட்ட திறனை, எதிர்காலத்தில் இன்புளூவென்சா தொற்று நோய்களுக்கு தீர்வு காண்பதற்கும் பயன்படுத்த முடியும். என்றும் அவர் கூறினார்.