Header Ads Widget

இணையத்தளம் வேண்டுமா?

Ticker

6/recent/ticker-posts

மேனேஜரை வேலையை விட்டு தூக்கிய விஜய்?: உண்மை இதோ



தளபதி விஜய்யின் மேனேஜராக இருந்து வருபவர் ஜெகதீஷ். லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன் உள்ளிட்டோர் நடித்துள்ள மாஸ்டர் படத்தின் லைன் ப்ரொட்யூஸராகவும் வேலை பார்த்துள்ளார் ஜெகதீஷ்.

மாஸ்டர் படத்தின் இசை வெளியீட்டு விழாவில் பேசிய விஜய் தன் மேனேஜரான ஜெகதீஷை புகழ்ந்து பேசினார். விஜய்யிடம் நல்ல பெயர் எடுத்துள்ளார் ஜெகதீஷ். இந்நிலையில் ஜெகதீஷ் விஜய்க்கு தெரியாமல் ஒரு வேலை செய்தாராம், அந்த வேலை குறித்து விஜயக்கு தெரிய வரவே கோபம் அடைந்தாராம். இருவருக்கும் இடையே பிரச்சனை ஏற்பட விஜய் ஜெகதீஷை வேலையை விட்டு நீக்கிவிட்டதாக தகவல் வெளியானது.


இது குறித்து விசாரித்து பார்த்தபோது விஜய் ஜெதீஷை வேலையை விட்டு நீக்கவில்லை என்பதும், அவர்களுக்கு இடையே எந்த பிரச்சனையும் இல்லை என்பதும் தெரிய வந்துள்ளது. யாரோ வேண்டும் என்றே கிளப்பி விட்டுள்ளனர் என்று தெரிவிக்கப்பட்டுள்ளது.

கொரோனா லாக்டவுன் வந்ததும் வந்தது வதந்திகள் கண்டமேனிக்கு பரவிக் கொண்டிருக்கிறது. முன்னதாக நயன்தாரா தன் முன்னாள் காதலரான பிரபுதேவாவின் இயக்கத்தில் நடிக்கப் போகிறார் என்று தகவல் வெளியானது. கடைசியில் பார்த்தால் அது வெறும் வதந்தி தான் என்பது தயாரிப்பாளர் ஐசரி கணேஷ் விளக்கம் அளித்த பிறகு தெரிந்தது. விஷால், கார்த்தி ஆகியோரை வைத்து பிரபுதேவா இயக்கிய கருப்பு ராஜா வெள்ளை ராஜா படம் கைவிடப்பட்டது. அந்த படத்தை பிரபுதேவா வேறு நடிகர்களை வைத்து இயக்குகிறார். அதில் நயன்தாரா தான் ஹீரோயின் என்று வதந்தி பரவியது.

அதன் பிறகு நயன்தாராவுக்கும், அவரின் காதலரான விக்னேஷ் சிவனுக்கும் விரைவில் கோவிலில் வைத்து திருமணம் நடக்கப் போகிறது என்கிற வதந்தி தீயாக பரவியது. இதை எல்லாம் பார்த்துவிட்டு நயன்தாரா தன் வேலையை மட்டும் கவனித்துக் கொண்டிருக்கிறார். அவரை பற்றி ஒரு வதந்தி பரவினால், விளக்கம் அளிக்கலாம். அவ்வப்போது வதந்தி பரவினால் நயன்தாராவும் என்ன தான் செய்வார்.

நயன்தாராவை அடுத்து சிம்பு பற்றி வதந்தி பரவியது. அதாவது சிம்புவுக்கும், லண்டனில் வசிக்கும் அவரின் தூரத்து உறவுக்கார பெண்ணுக்கும் திருமணம் நிச்சயிக்கப்பட்டுள்ளது என்றும், விரைவில் திருமணம் என்றும் தகவல் வெளியானது. இதை பார்த்த சிம்புவின் அப்பா டி. ராஜேந்தர், அம்மா உஷாவோ எங்கள் மூத்த மகனுக்கு ஏற்ற பெண் பார்த்துக் கொண்டிருக்கிறோம், திருமணம் நிச்சயிக்கப்படவில்லை என்று விளக்கம் அளித்தனர்.

இதற்கிடையே ஆர்யாவின் மனைவியான சயீஷா கர்ப்பமாக இருக்கிறார் என்று வேறு வதந்தி பரவியது. நயன்தாரா, சயீஷா, சிம்புவை அடுத்து விஜய் பற்றி வதந்தி பரவியுள்ளது. லாக்டவுனால் வீட்டில் முடங்கியிருக்கும் மக்கள் பழைய விஷயங்களை அசை போடுகிறார்கள் சரி. ஆனால் இப்படி கண்டமேனிக்கு வதந்தியை பரப்புவது யார் என்று தான் தெரியவில்லை.


விஜய் ரசிகர்களே மாஸ்டர் படத்தை பார்க்க முடியவில்லையே என்கிற கவலையில் இருக்கிறார்கள். கொரோனா வைரஸ் பிரச்சனை மட்டும் ஏற்படாமல் இருந்திருந்தால் மாஸ்டர் படம் கடந்த ஏப்ரல் மாதம் 9ம் தேதியே வெளியாகியிருக்கும். லாக்டவுன் முடிந்த கையோடு மாஸ்டர் படத்தை முதல் படமாக ரிலீஸ் செய்ய தியேட்டர் உரிமையாளர்கள் திட்டமிடுகிறார்கள். ஆனால் அப்படி செய்யக் கூடாது என்று பிரபல தயாரிப்பாளர் கேயார் தெரிவித்துள்ளார்.

Post a Comment

0 Comments